КРИМИНАЛОТ НА БАЛКАНОТ – ЗАКАНА ЗА ЕВРОПСКАТА БЕЗБЕДНОСТ

25 ноември 2009 година

Организираниот криминал на Балканот ја загрозува европската безбедност бидејќи балканските земји стануваат една од главните зони за влез на криминални структури во просторот на Европската унија, се наведува во извештајот на аналитичката и истражувачка агенција на Конгресот на САД за состојбата на западен Балкан.
Во извештајот се наведува дека организираниот криминал потенцијално може до 2015 година да доведе до нови проблеми во регионот.
Трговијата со дрога, цигари и со луѓе се главните криминални дејности во регионот и им носат голема заработка на луѓето што се вклучени во тоа. Перењето пари и организираниот криминал и понатаму претставуваат голем проблем - предупредуваат аналитичарите од американскиот конгрес.